monumenta.ch > Plinius > sectio 169
Word Selection for Searching
Report an Error in this Sectio
Plinius, Naturalis Historia, 24, 169
{CV} Celebratur autem et a Graecis startiotes, sed ea in Aegypto tantum et inundatione Nili nascitur, aizoo similis, ni maiora haberet folia. refrigerat mire et vulnera sanat ex aceto inlita, item ignes sacros et suppurationes. sanguinem quoque, qui defluit a renibus, pota cum ture masculo mirifice sistit.